Sanchar Saathi App: Privacy Ka Dar Ya Sirf Ek Misunderstanding?
Recently ek news kaafi viral ho rahi hai ki sarkar ne Sanchar Saathi app ko pre-install karne ka order diya hai. Jaise hi ye baat aayi, social media par panic mode ON ho gaya. Log kehne lage —
“Ab to privacy khatam”,
“Government humara data le legi”,
“Phone pe spy kiya jaa raha hai”.
Lekin sawaal ye hai: kya ye dar sach me justified hai? Ya phir hum bina soche-samjhe react kar rahe hain?
Sanchar Saathi App Actually Karta Kya Hai?
Sanchar Saathi app ka main goal hai:
• Fraud SIM cards ko block karna
• Lost ya stolen phone ko trace aur block karna
• Users ko apne mobile connections par control dena
Matlab app ka focus user protection par hai, na ki random personal data collect karna. Ye app Ministry of Communications ke under aata hai aur iska kaam telecom frauds ko kam karna hai — jo aaj kal India me kaafi common ho chuka hai.
Privacy Ka Dar Kahan Se Aata Hai?
Sach bolun to Indians ka privacy ko lekar alert hona galat nahi hai. Lekin irony ye hai ki:
�� Jo apps hum daily use karte hain, wo Sanchar Saathi se kahin zyada data collect kar rahe hain.
Par unke against koi shor nahi hota. Jaise ki Truecaller
• Contacts access
• Call logs
• SMS data
• Location (kabhi-kabhi) ye sab data collect karta he apne kis se baat ki, apke phone me kitne sms, or kaha se aye uska data sab or bhi bahut kuch collect karta he. Ab aap hi socho ki agar koi apka important data collact kare to jaise ki apki important messages, otp, etc
Phir bhi hum use bolte hain:
“Bhai spam call se bachata hai, rehne do” same google services ke sath bhi he.
Or social media platforms bhi yahi karte he wo bhi data collect karte he. Ek simple calculator app jiska kaam sirf calculate karna he use contect permissions chahiye qun tab koi bhi nahi sochta.
Phir Sirf Sanchar Saathi Par Itna Halla Kyun?
Kyuki jab baat government app ki aati hai, to log extra sensitive ho jaate hain.
Shayad trust issue hai, shayad misinformation.
Par logically dekha jaye to:
• Sanchar Saathi ka scope limited hai
• Ye entertainment ya ad-based app nahi hai
• Iska purpose clear aur transparent hai
Sanchar Saathi app ko lekar jo privacy fear hai, wo thoda overhyped lagta hai, especially jab hum already:
• Truecaller use kar rahe hain
• Google ecosystem me fully dependent hain
• Social media ko full access de rakha hai
Iska matlab ye nahi ki sawaal nahi poochne chahiye,
lekin selective outrage bhi theek nahi.
�� Agar hume privacy chahiye, to har app ko same nazar se dekhna hoga — chahe wo sarkar ka ho ya kisi private company ka.
